"Хангайн цом" яруу найргийн наадам 11-р сарын 4-нд Цэцэрлэг хотноо зохион байгуулагдана
"Хангайн цом" яруу найргийн наадам улсын хэмжээнд 4 дэхь жилдээ Цэцэрлэг хотноо зохион байгуулагдах гэж байна. Архангай аймаг үүсгэн байгуулагдсаны 100 жил, утга зохиолын 70 жилийн ойд зориулж болж байгаа нь энэ жилийн наамдын онцлог юм. Хангайн цом яруу найргийн наадамд хол ойроос олон яруу найрагчид хүрэлцэн ирж оролцдог. Шударга сайхан наадам гэж уран зохиолынхон өвөр зуураа хэлэлцэх болжээ.
АРХАНГАЙ АЙМГИЙН ТҮҮХТ 100 ЖИЛИЙН ОЙН ХҮРЭЭНД АЙМГИЙН УТГА ЗОХИОЛЫН НЭГДЛИЙН 70 ЖИЛИЙН ОЙД ЗОРИУЛСАН “ХАНГАЙН ЦОМ-2023” ЯРУУ НАЙРГИЙН НААДМЫН УДИРДАМЖ
1.ЗОРИЛГО:
Монголын уран зохиолыг дэлгэрүүлэх, яруу найрагчдын бүтээлийг олон түмэнд таниулах, уншигч зохиолчдыг холбох, орон нутгийн иргэд, хүүхэд залууст утга зохиолын гоо сайхныг мэдрүүлэх, шинэ авьяастныг нээн илрүүлэх, сум орон нутгаа сурталчлах, яруу найрагч уран бүтээлчдийн харилцаа холбоог бэхжүүлэхэд зорилго оршино.
2.ХУГАЦАА:
Наадам 2023 оны арваннэгдүгээр сарын 04-ний өдрийн 17.00 цагт АЖ Д.Ичинхорлоогийн нэрэмжит Архангай аймгийн Хөгжимт драмын театрт болно.
3.ШҮЛГИЙН СЭДЭВ:
Яруу найрагчид чөлөөт сэдвийн 1 шүлгийг 2023 оны аравдугаар сарын 31-ний өдрийг дуустал A.gadas@yahoo.com хаягаар илгээх буюу МЗЭ-ийн 206 тоотод цаасаар хүргэнэ.
4.ШАЛГАРУУЛАХ ЖУРАМ:
Наадмын эхний шатны шалгаруулалтыг МЗЭ-ийн Яруу найргийн Үндэсний төвийн төлөөлөл, Архангай аймгийн утга зохиолын “ХАНТАМИР” төвийн тэргүүлэгч гишүүд хамтран явуулж, нийт 21 найрагчийн бүтээлийг тэнцүүлнэ.
5.ШАГНАЛ, УРАМШУУЛАЛ:
1-р байр өргөмжлөл, 1.500.000 төгрөг
2-р байр өргөмжлөл, 1.000.000 төгрөг
3-р байр өргөмжлөл, 800.000 төгрөг
4-р байр өргөмжлөл, 500.000 төгрөг
5-р байр өргөмжлөл, 300.000 төгрөг
Оролцсон бүх найрагчид шагналтай
6. БУСАД:
Шалгарсан найрагчид 2023 оны арваннэгдүгээр сарын 03-ны өглөө 09.00 цагт Монголын Зохиолчдын Эвлэлийн үүднээс Архангай аймаг, Цэцэрлэг хотын зүг хөдөлнө.
ЕРӨНХИЙ ЗОХИОН БАЙГУУЛАГЧ:
Архангай аймгийн “Засаг даргын Тамгын газар”
Эрдэнэбулган сумын “Засаг даргын Тамгын газар”
Архангай аймгийн утга зохиолын “ХАНТАМИР” төв
Архангай аймгийн “Соёл урлагийн газар”
ХАМТРАН ЗОХИОН БАЙГУУЛАГЧ:
С.Жамьянгаравын нэрэмжит аймгийн “Нийтийн номын сан”
АЖ Д.Ичинхорлоогийн нэрэмжит аймгийн “Хөгжимт драмын театр”
МЗЭ-ийн “Яруу найргийн үндэсний төв”
“Тамирын Цахиур” ХХК
Холбоо барих утас: 99056229, 88842471
Сэтгүүлч С.Пүрэвдулам
Урлаг Спорт2023-10-26 | 17:49:00